डिजिटल डिक्सनेरी, परियो तिरिमिरी

आधुनिकता सँगसँगै धेरै कुरा साना र छोटा हुँदै गइरहेका छन् । चाहे त्यो युवतीहरूले लगाउने पहिरन होस् , चाहे आजकालको युवापुस्ताले प्रयोग गर्ने संवाद। आमालाई ममी हुँदै मम्, बुवालाई ड्याडी हुँदै ड्याड र दाजु/भाइलाई ब्रोदर हुँदै ब्रो !

१२ थरी टिमका एक जना टिप्पणीकार एकदिन मर्निङ वाकमा जाँदा एक जना साथीले वहाँलाई कुनै युवतीले मोबाइलमा लेखेको संवाद देखाएछन् । TTYL लेखेको कुरो नबुझेर उनी बिलखबन्दमा परेका रहेछन् । अधबैंसे उनी फेसबुकमा छिरेर क्याम्पस् पढ्ने षोडशीहरुलाई घाँस हाल्न माहिर रहेछन् । तर कुरा गर्दा गर्दै अचानक केटीले Talk To You Later को सर्ट फर्म TTYL लेख्दा Tero Tauko You Liar लेखेकी हो कि,  पातकी बुढो पो भन्या हो कि, वा ‘पख मेडमलाई भन्दिन्छु’ पो भनि कि भनेर अधैर्य पो भएका रहेछन्। टिप्पणीकार जर्जले त्यति कुरो बुझाउँदा उनलाई बुद्धत्व प्राप्त भए झैं भएछ, टाउकोबाट पहाडै हटाए झैं आनन्द आएछ। त्यही मर्निङ वाक गुरुपमा यो कुरा चर्चा हुँदा त प्राय: सबैलाई यही समस्या रेहको बुझियो। र, १२ थरीको सोसियल रेपस्पोन्सिबिलिटी अभियान अन्तर्गत हाल सामाजिक सञ्जालमा प्रयोग हुने स्ल्याङ, एक्रोनिम (सटकट् क्या ! ) र नानाभाँति इमोजीको बारेमा यहाँ चर्चा गरिँदैछ ।

people-using-cellphones

Continue Reading “डिजिटल डिक्सनेरी, परियो तिरिमिरी”

कनकमणि भर्सेस लोकमान कि राणा भर्सेस शाह

sc

अहिलेको ‘हट केक’ अर्थात् अख्तियारले साझाका अध्यक्षका रुपमा कनकमणि दीक्षितलाई पक्राउ गरेर अनुसन्धान थालेको बिषय। यसमा स्पस्ट दुई धार देखिएको छ बजारमा- एकथरी अख्तियारले ठीक गर्‍यो भनिरहेका छन्। उनीहरुको तर्क छ, अख्तियारले जोसुकैमाथि अनुसन्धान गर्न पाउँछ। यो वर्गमा माओवादी र दीक्षित विरोधीहरु पर्छन्। अर्काथरी छन्, जो कनकमणिमाथिको अनुसन्धान गैरकानुनी, अख्तियार प्रमुखको बदलाको भावना भनिरहेका छन् र यो वर्गमा खासगरी वरिष्ठ मिडियाकर्मीदेखि आफूलाई लोकतन्त्रका हिमायती ठान्नेहरुको लाइन छ। यस्तोमा १२ थरी मात्रै चुप बस्ने कुरा पनि भएन। १२ थरीलाई लाग्छ, यो बिषय अख्तियार र साझाका अध्यक्षको बीचको बिषय नै होइन, यो त राणा र शाहबीचको द्वन्द्व हो, जुन पुस्तौंदेखि चलिरहेको छ। आउनुस् अख्तियार र कनकमणिको जुहारीलाई १२ सत्ताइस् विश्लेषण गरौं।

Continue Reading “कनकमणि भर्सेस लोकमान कि राणा भर्सेस शाह”

विशेष सम्पादकीय: असुहाउँदो टिप्पणि

१२ थरी रुन्चे कथामा विश्वास गर्दैन। हामीले पटकपटक भनेका छौं, हामी समाजमा रहेका आडम्बरी प्रवृत्ति र त्यस्ता प्रवृत्तिका मतियारहरुको बंगारा झार्नकै लागि स्थापित भएका हौँ। हामीले सकेसम्म व्यक्तिभन्दा प्रवृत्तिमा जोड दिँदै पनि आइरहेका छौं। यो पोस्ट १२ थरीका बारेमा रहेका केही भ्रम चिर्न र केही मुद्दाहरुमा आफ्ना धारणा राख्नका लागि लेखिएको हो। १२ थरी पाठकहरुलाई हाम्रा लेखहरुमा हाँस्य र व्यंग्यको समिश्रण पस्किन चाहन्छ र त्यो व्यंग्य आडम्बरीहरुको मुटुमा बिझोस् भन्ने पनि चाहन्छ। तर यो लेख केही गम्भीर प्रकृतिको हुन गएमा हामीलाई क्षमा गरिदिनुहोला।यो लेखको शीर्षक ‘असुहाउँदो टिप्पणि’ राख्नुको कारण पनि त्यही हो।

Continue Reading “विशेष सम्पादकीय: असुहाउँदो टिप्पणि”

मन्त्री रोएपछि १२ सत्ताइसका पिप्ली लाइभ

पत्रकारमा समाचारको भोक हुन्छ रे। अनि ‘इन्फर्मेसन’को भोक कडा भएको पत्रकार चाहिँ सफल हुन्छ रे भन्दार’छन्। घरीघरी त हो कि हो कि झैं पनि पो लाग्छ। आजकाल त अनलाइनहरु नै यति धेरै भए कि यीसँग केही समाचारै हुँदैन। राम्रा समाचार उत्पादन गर्न पैसो लाग्छ, अनुसन्धान गर, फिल्ड जाऊ, मान्छे भेट, कुरा गर। लगानी गर्ने पैसो मट्ठ, काँट आओस् राम्रो समाचार। अनि सुरु हुन्छ १२ सत्ताइस समाचार। उसो त मिडियामा त्यस्ता १२ सत्ताइस समाचार कति आउँछन् आउँछन्। त्यस्तै एउटा समाचार आयो आज- ‘फिलिममा गाइ मरेको देखेपछि मन्त्री रोए।’

आउनुस् यो समाचारको १२ सत्ताइस विश्लेषण गरौं।

Continue Reading “मन्त्री रोएपछि १२ सत्ताइसका पिप्ली लाइभ”

नेपालीका लागि अत्यावश्यक १२ सत्ताइस एप

तस्बिर साभार : octalsoftware.co.uk
तस्बिर साभार : octalsoftware.co.uk

नेपालमा लोडसेडिङ एपको सफलताको कहानी त धेरैले सुनेकै छौँ। बत्ती कतिबेला आउँछ? भने जस्तै राहत, भूकम्प, तलब, बिहेको लगन, फोनमा नेटवर्क, गर्लफ्रेन्ड्को रिप्लाई आदि इत्यादि कतिबेला आउँछ भनेर देखाउने एप पनि हुने हो भने आम मानिसको जीवन पनि सजिलो हुँदो हो ?, अनि हाम्रा संघर्षरत नेपाली डेभलपरहरुले पनि मनग्य आम्दानी गर्न सक्थे होलान्। अझ शरीरमै इन्स्टल गर्न मिल्ने एप बनाउन मिले झन् कति जाति हुँदो हो। हाम्रो नेपालीको लागि उखानै छ ‘अल्छे तिघ्रो, स्वादे जिब्रो’, माने हामीलाई काम गर्न अल्छी लाग्छ तर खान भने मीठो मीठो चाहिन्छ। यही मेसोमा १२ थरीका शुभचिन्तक पाठकले त्यही हाम्रो अल्छे स्वभावलाई मध्यनजर गर्दै नेपाली शरीरका लागि अत्यावश्यक १२ थरी एपको सुची पठाउनुभएको छ। हामी १२थरी परिवारलाई स्वास्नी छोराछोरी पाल्न धौ धौ छ त्यसैले घण्टा हान्नै परो । धैरै काम गर्न भ्याउदैनौ । यही एउटा साइट चलाएका छौ । यो १२ सत्ताइस खालको एप बनाउने काम चाही तपाईहरु नै गर्नुहोला । 😀 Continue Reading “नेपालीका लागि अत्यावश्यक १२ सत्ताइस एप”

हाम्रो याचना

प्रिय पाठकहरु,

१२ थरीलाई छोटो समयमै यहाँहरुले देखाउनुभएको माया र सदभावका लागि १२ थरी परिवार हार्दिक आभार व्यक्त गर्दछ। हामीले यो साइट शुरु गर्दा नै प्रतिबद्धता जाहेर गरेका थियौं कि हामी समाजमा देखिने विभिन्न प्रवृत्तिका विरुद्ध खरो उत्रिनेछौं। हाम्रो उद्देश्य समाजमा रहेका द्वेध चरित्रहरुको बंगारा झार्नु नै हो।

12thari-screenshot

कुरा गर्दा विरहको गीत गाए जस्तो लाग्छ तर फ्याट्ट फेसबुकले हाम्रो साइटको लिंक ब्लक गर्दिएछ हेर्नुस्। बंगारा झारेकैले लिंक ब्लक भए जस्तो त लाग्दैन तर पनि भयो। काम गर्दै जाँदा कहाँ के गल्ती हुन्छ त्यसलाई सच्याउँदै र सिक्दै जाने प्रयास जारी छ। हाम्रो प्राविधिक टोली २ दिनदेखि यो समस्या समाधानको लागि फेसबुकको सपोर्ट सिस्टमसँग नियमित कम्युनिकेसन गरिरहेको छ। अब त्यो मुला फेसबुक पुरै अटो सिस्टमबाट चल्ने, हामी औंला सिस्टमबाट। याँनेर कुरो गडबड भैरा’छ। Continue Reading “हाम्रो याचना”

फेसबुकका १२/२७ कुरा

fb

मनमा पुर्वाग्रह राखेर यो वेबसाइट हेर्दै हुनुहुन्छ भने म आफ्नै बारेमा चैं एउटा कुरा भनिहालुँ – मलाई फेसबुकमा जाँगर मरेको छ, अनि यो पोष्ट लेखिसकेर म फेसबुक डिएक्टिभेट गर्छु।  मेरो कुरा यत्ति नेै हो। तपाइँलाई झनक्क रिस उठ्न सक्छ, ‘कौन सा पहाड फुट्ने भो र? गर्नुहोस्। तपाइँले फेसबुक चलाउन छोडे थोडा मार्क जुकरबर्ग कङ्गाल हुने हो र?’  ए  ए ए, मैले थोडा जुकरबर्गको सम्पत्तिको कुरा गर्या छु र !  खुल्केको कुरा गर्न पर्छ? बरु पढ्नुस्, मलाई किन फेसबुकमा मन मरेको छ?

देखावटी संसार

फेसबुकमा मेरा कैयौं यस्ता साथीहरुसँग जम्काभेट भएको छ जोसँग वास्तविक जीवनमा एकपटक पनि दोहोरो कुरा भएको छैन।  एउटै भोजमा सँगै भेटियो र मलाई गला लागेर हिक हिक हुदाँ पनि उसले मलाई पानी दिँदैन तर पनि उसले मलाई फ्रेण्ड रिक्वेष्ट पठाएको हुन्छ।  अब भन्नोस्, म किन उसलाई मेरो साथीभाइ इस्टमित्र भएको फेसबुकमा भित्र्याउने ? मलाई कसले के भन्छ (कस्तो सम्बोधन गर्छ ), म कहाँ जान्छु (कहाँ गएको फोटो अपलोड गर्छु ), कोसित हिँड्छु (मेरो फोटोमा कसलाई ट्याग गर्छु ) यो सब खोजीनीति उसलाई किन दिने? तपाइँलाई दिन मन लाग्छ त दिनोस्। परिवार भित्र पनि के कुरो अमिल्दो लाग्छ भने- बाले फ्रेन्ड रिक्वेस्ट पठाम्चन्  । बा, ससुरा वा मामा साथी कसरी बनुँ म ? Continue Reading “फेसबुकका १२/२७ कुरा”

१२ सत्ताइस डाक्टर

१२ सत्ताइस व्यहोरा भएका पात्रहरुको बङ्गारा झार्ने क्रममा १२ थरीले बोका, बाख्री, अलपत्रकार र पलायनवादीहरुलाई मात्र पेल्यो, समाजमा ठालु कहलिने वर्गलाई केही गरेन भन्ने पाठकहरुलाई लागेको हुनसक्छ। तर हामी कसैलाई छोड्नेवाला छैनौं। हो, हामी केही ढिला भएका छौं, किनकी हामी हरेक विषयका ज्ञाता होइनौं, हाम्रो टीमले विषयमा अध्ययन गर्नुपर्ने हुन्छ, त्यसैले हाम्रा पोस्टहरु केही ढिला हुन्छन्। हाम्रो प्रयास हाम्रा मायालु पाठकको मनमा बस्ने नै रहनेछ।

१२ थरीको टोलीले यसपाली नेपाली समाजमा भगवानै मानिने वा पब्लिकले नमाने पनि आफैं अर्कै वर्गको प्राणी हुँ भनेर ठान्ने डाक्टरहरुको १२ थरी व्यक्तित्वको चर्चा गरिदैँछ । यो लेखको लागि १२ थरी सम्पादक मण्डल हाम्रो मेडिकल ब्युरोको आभारी छ। Continue Reading “१२ सत्ताइस डाक्टर”

१२ सत्ताइस खालका ट्विटे बोकाहरु

नेपाली ट्विटर आकाश भनेको ढुङ्गढुङ्ग्ती गन्हाउने बोकाहरुको सन्जाल हो । यहाँ ताल तालका बोकाहरुको जमघट हुन्छ। कोही पर्दा अगाडि बोका हुन्छन त कोही पर्दा पछाडि बोका हुन्छन्, हुन त सबै बोका नै हुन्छन् । तिनलाई महिलाको जस्तो लाग्ने ह्याण्डिल अघि परे हुन्छ, नाक उचाल्दै सुँघ्न थालिहाल्छन्। कोही कुनै पेसाको आवरणमा छोपिएर आफूलाई उच्च दर्जाको व्यक्ति हुँ भन्दै हल्का छेल्लीएर नाक उचालिरहेका हुन्छन्, त कोही भने बाटोमा छोडेको छाडा बहर झैँ गाई भैसी गोरु राङ्गो केही नभनि चढ्न उद्दत टाइपका बोकाहरु हुन्छन्। Continue Reading “१२ सत्ताइस खालका ट्विटे बोकाहरु”